私隱政策
最後更新：2026 年 7 月 17 日
1. MPF 體檢：你嘅輸入唔會上傳
「MPF 體檢」所有計算喺你部裝置嘅瀏覽器入面即時進行。你輸入嘅年齡、人工、結餘同基金選擇唔會傳送或儲存到我哋嘅伺服器。 結果連結採用網址「#」片段技術 — 呢部份唔會隨網絡請求送出，只存在於你部裝置同你自己選擇分享嘅地方。
2. WhatsApp / Email 聯絡：由你主動發起
你撳「WhatsApp 拎完整報告」會打開你部機嘅 WhatsApp（撳 email 選項就打開你嘅郵件程式），訊息由你親手發送 — 我哋只會喺你主動發送之後先見到你嘅電話號碼或電郵地址。呢啲對話用嚟：(1) 向你發送體檢完整報告； (2) 經你另行同意後，轉介俾持牌強積金中介人作免費跟進。 你可以隨時喺同一渠道要求我哋刪除你嘅對話紀錄同聯絡資料。
3. 網站使用統計
我哋使用匿名化嘅網站分析（頁面瀏覽量、功能使用次數）嚟改善產品。呢啲統計唔包含可識別你身份嘅資料。
4. 顧問帳戶
註冊做顧問用戶時提供嘅電郵同資料，只用於帳戶登入、服務提供同帳單用途，唔會出售或轉讓俾第三方。
5. 查閱同刪除
根據《個人資料（私隱）條例》，你有權查閱同更正我哋持有嘅你嘅個人資料。 由於體檢唔收集資料，多數情況下我哋根本冇你嘅資料；如你曾經 WhatsApp 聯絡我哋， 可以喺同一對話直接要求查閱或刪除。
本網站與積金局「積金易（eMPF）平台」無關。本平台並非《強制性公積金計劃條例》下嘅註冊中介人， 所有數據只供參考，唔構成投資建議。